-រសៀល ថ្ងៃអង្គារ ១១កើត ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២២ ខែកញ្ញាឆ្នាំ២០២៦ លោកមេធាវី សាំង វណ្ណៈ ប្រធានគណៈមេធាវីនៃព្រះរាជាណាចក្រកម្ពុជា បានអញ្ជើញដឹកនាំសិស្សមេធាវីជំនាន់ទី២០ ចំនួន៣៦រូប ធ្វើសច្ចាប្រណិធានចូលប្រកបវិជ្ជាជីវៈមេធាវី នៅចំពោះមុខសាលាឧទ្ធរណ៍ភ្នំពេញ។
-លោកប្រធានបានជម្រាបជូនក្រុមប្រឹក្សាជំនុំជម្រះ និងតំណាងមហាអយ្យការអមសាលាឧទ្ធរណ៍ភ្នំពេញ អំពីការបណ្តុះបណ្តាលរបស់សិស្សមេធាវីជំនាន់ទី២០ រហូតទទួលបានវិញ្ញាបនបត្រសម្បទាខាងវិជ្ជាជីវៈមេធាវី និងការសម្រេចអនុញ្ញាតឱ្យសិស្សមេធាវីជំនាន់ទី២០ ចំនួន៣៦រូប ចូលប្រកបវិជ្ជាជីវៈមេធាវី។
-លោកប្រធាន ផ្ដាំផ្ញើដល់សិស្សមេធាវីជំនាន់ទី២០ ឱ្យប្រកាន់ខ្ជាប់ជានិច្ចនូវវិធានវិជ្ជាជីវៈមេធាវី ប្រកបដោយភាពស្មោះត្រង់ សេចក្តីថ្លៃថ្នូរ និងការទទួលខុសត្រូវខ្ពស់ដើម្បីចូលរួមជាចំណែកមួយក្នុងការលើកកម្ពស់វិបុលភាពនៃវិជ្ជាជីវៈមេធាវី នៅកម្ពុជា។
-សិស្សមេធាវីជំនាន់ទី២០ បានប្រឡងជាប់ជាស្ថាពរនៅថ្ងៃទី៥ ខែមិថុនាឆ្នាំ២០២៥ និងចាប់ផ្ដើមទទួលការបណ្ដុះបណ្ដាលនៅមជ្ឈមណ្ឌលបណ្ដុះបណ្ដាលវិជ្ជាជីវៈមេធាវី កាលពីថ្ងៃទី២១ខែកក្កដា ឆ្នាំ២០២៥។ការបណ្ដុះបណ្ដាលមានរយៈពេល១ឆ្នាំ ដោយមានកម្មវិធីសិក្សាសំខាន់ៗដូចជា ÷ ការសិក្សាលើផ្នែកទ្រឹស្ដីច្បាប់ វិធានវិជ្ជាជីវៈមេធាវី ការអនុវត្តជាក់ស្តែង ការធ្វើទស្សនកិច្ចសិក្សា និងការបោះជំរំសិក្សា។ក្រោយពីបញ្ចប់ការសិក្សា សិស្សមេធាវីជំនាន់ទី២០ ក៏ប្រឡងយកវិញ្ញាបនបត្រសម្បទាខាងវិជ្ជាជីវៈមេធាវី និងទទួលបានលទ្ធផលស្ថាពរកាលពីថ្ងៃទី២៧ខែកក្កដាឆ្នាំ២០២៦កន្លងមក។ល។
